今晚食乜好？？
為食既我梗係要搵啲好嘢食，今次去左尖沙咀一間藏喺地庫既火鍋店，地鐵站行兩三分鐘就到，落左樓梯原來係另一片天😌 環境彷如倒流七、八十年代，有銀號有涼茶舖，非常懷舊！叫左好多嘢食，重點講下以下幾款必點俾大家😋🤗
-
☆ 澳門豬骨鍋 HKD$188
味道似胡椒豬骨湯，好足料有幾舊大豬骨、紅蘿蔔、粟米、芫荽等等，微微胡麻得嚟帶點鮮甜，即刻筆左碗湯嚟飲😋🤤 如此鮮味既湯底用嚟做火鍋湯底真係一流！
-
☆ 貴妃蚌 HKD$78
CRAZY！有我隻手咁大隻，好驚人😲😮 肉質爽口彈牙，直情想當刺身食呀！就咁食唔沾醬汁最原汁原味，鮮甜無比💕
-
☆ 日本廣島蠔 HKD$108
又係心心眼既一個配料😍🤩 每隻蠔都好大隻，淥熟左仍然富有彈性，特別蠔肚部分，十分鮮嫩軟腍，仲要一啲腥味都無，必點呀！
-
☆ 風塵三俠 HKD$148
個名好特別😉 三俠分別係鮮蝦滑、墨魚滑及牛肉滑，手打陳皮牛肉滑猶以出色，肉味濃郁肉質爽嫩，食得出係以新鮮牛肉手打而成，口感似食緊片片牛肉，最特別係加入秘製陳皮，令牛肉既鮮味更為突出👍👍！
-
☆ 鮮蝦雲吞皇 HKD$88/大
估佢唔到咁好味🤤 外表唔算特別但勝在夠大粒，鮮蝦唔係蝦膠，而係大大粒鮮蝦👍 鮮蝦爽口鮮彈，食完一粒又一粒，忍唔住叫多碟先夠喉🤤😋
-
☆ 極上本地手切靚肥牛 HKD$298/大
想講完全唔似係肥牛😲😬 牛肉同脂肪比例平均，牛肉新鮮顏色紅嫩，一啲都唔肥！食完哩個靚肥牛，以後打邊爐一定唔會再食劣質肥牛！298蚊絕對超值，如果唔係太飽，一定會再encore多碟😚😌
-
絕括而言，食物新鮮有特色富創意，店員細心有禮，店面裝潢有心意夠懷舊，就咁哩一舉三得，已經無理由唔嚟試一試佢啦掛🤗😄
-
📍阿肥火鍋
尖沙咀漆咸道南53-55號嘉芙中心地牢
Search